.
講講個裝修先,店鋪以日式風格之主調⛩再加上少少現代元素,傳統得黎又帶點時尚感。其中VIP房重可以望到尖沙咀嘅靚境,好啱三五知已約埋聚會。坐位方面分左bar台同首通台,bar台除左可以望住板長嘅手法同刀功之外,重可以見到#志 引以為傲嘅熟成櫃,呢個櫃只有極少餐廳有,以全木制成並由日本定制,即使起日本都好少見。🗾
.
今次Lunch去,我同男朋友就叫左時令13件套餐,前12件為當下時令壽司🍣,第13件為重嘗前12件自認為最出色嘅一件。
.
首先上台嘅係茶壺蒸,香滑嘅玉子加上海鮮用銀杏等材料,令人胃口大開。
.
第一Set:
🍣北海道帶子,配上柚子皮,帶子鮮味,加上柚子味增添清新感。
🍣鯛魚,魚上塗上醬汁,微酸,所以更能突出魚本身嘅鮮味。
🍣熟成 間白魚,一般餐廳好少做熟成處理,而令次就用左熟成兩星期嘅間白魚,今魚用更厚身,增添口感。
.
第二Set:
🍣熟成池魚,熟成處理後肉質會更彈牙、爽口,少左之前嘅梅感。
🍣北海道道蟹肉, 好清新,蟹肉鮮味。
🍣秋刀魚,時令肥美,魚上要加左煮咗嘅蔥花,令到魚本身嘅味道更濃。
.
第三Set
🍣白蝦,全用日本貝沙灣白蝦,非常鮮味,而且每件都用上30隻蝦左右,全以人手拆肉,非常考師傅手勢。
🍣北海道白海膽,肉比較甜,冇咁重回甘味。
🍣新鮮三文魚籽,全由餐廳自己腌製味道較甜。
.
第四Set
🍣中拖羅,為吞拿魚中最有油分嘅部位,呢個位非常考刀功,因為要令到佢無筋先可以做到入口即溶。
🍣活赤貝 ,爽口鮮味,配上裙邊,增添口感。
🍣腦天,為吞拿魚嘅天靈蓋上嘅肉,每條魚只有少量,師傅先以火輕燒,鎖住油份,入口可以感受到滿滿嘅魚油,口甘。
.
壽司全部已經加上左醬油/醬汁同Wasabi,唔洗自己再落,同時用上日本赤醋,令飯粒更香。 今餐食得勁滿足啊!🥳
.
.
.
.
.
.
.
.
.
#志 #Kokorozashi #Omakase #日本料理 #尖沙咀 #日本
.
.
.
志Kokorozashi
尖沙咀亞士厘道17-19號17樓














沒有留言:
發佈留言