
.
早幾日同男朋友起旺角拍拖,經過個時望到架黃巴士🚌,再行近重聞到好香嘅梳乎厘味,我嘅腳步立即停左,男朋友想拉都拉我唔走。😝
.

🍮炎燒布丁梳乎厘 配 日本3.6牛奶軟雪糕$50
布丁放起梳乎厘上面,用火槍輕輕燒左一下,令到布丁有少少溶同少少焦香味,入口先係食到甜甜嘅布丁,之後再到鬆軟嘅梳乎厘,口感好滿足。食完再加一啖濃濃牛奶味嘅雪糕,超好食。
.

🍵靜岡抺茶梳乎厘 $45
梳乎厘上面淋上勁多嘅抹茶醬,再加上抹茶粉黎中和返個甜味,帶出返抹茶嘅甘味,令到一份本來好甜嘅梳乎厘加添左一份清新感,而且梳乎厘本身鬆軟而厚實,令人想一啖再一啖。
.

🥛泡泡熊抺茶牛奶 $38
抺茶牛奶上加左一層淡淡嘅奶蓋,令到杯飲味飲落更加有層次,而隻泡泡熊係Jelly整成,好好食之餘重好啱用黎打卡添!
.

🍎百年之蜜蘋果飲 $38
一入口就有好濃嘅蘋果味,當飲左一半後,上面嘅綿花糖加蜜糖就會融入飲品入面,變到好似一個價錢可以試到兩杯野飲咁~好抵~
.
.
.
am.pm
油麻地彌敦道560譽發廣場地下B舖
.

沒有留言:
發佈留言